Almaty qalasynyń ákimi Baqytjan Saǵyntaev almatylyq Ajar Ábdireshevanyń kúıeýiniń ólimine qatysty isti jeke baqylaýyna aldy. Bul týraly ákim facebook paraqshasynda jazdy.
Almatylyq Ajar Ábdiresheva qala ákimi Baqytjan Saǵyntaevqa Instagram-da vıdeoúndeý jasaǵan. Onyń aıtýynsha, kúıeýiniń ólimine ákimdiktiń burynǵy qyzmetkeri, bas býhgalterdiń júrgizýshisi kináli bolýy múmkin.
– Qurmetti Baqytjan Saǵyntaev! Búgin meniń kúıeýim Kenje Baınıazovty óltirip ketkenine 7 kún ótti. Qala ákimdigi óz qyzmetkeriniń kisi óltirýge qatysy bar-joǵyna baılanysty eshqandaı túsinikteme bermedi. Kerisinshe, kisi óltirýshi Sultan Úmetalıevtiń keri datamen, ıaǵnı 2021 jyldyń 18 aqpanynda jumystan shyǵarylǵany týraly estip-bilip jatyrmyn. Qala ákimdigi, naqtyraq aıtqanda, ákimdiktiń bas býhgalteri kisi óltirgen jeke júrgizýshisiniń qylmysqa qatystylyǵyn jasyrý úshin qoldan kelgenniń bárin jasap jatyr, – dedi ol.
Jábirlenýshiniń sózinshe, qazirgi ýaqytta kúdiktiniń qarýy tabylmaǵan. Almaty ákimdigine tıesili avtokólik qylmys bolǵan jerde turǵan. Kisi óltirýshi qylmys ornyna qyzmettik avtokólikpen barǵan.
– Bul – 22 aqpandaǵy jaǵdaı boıynsha er adam sol kúnde de ákimdik qyzmetkeri bolǵanynyń dáleli, – dedi ol.
Marqumnyń jubaıy Sultan Úmetalıevke psıhıkalyq jaǵdaıyna baılanysty anyqtama istetip jatqany týraly aqparat estigenin aıtty.
– Almatylyq Ajar Ábdireshevanyń ótinishimen onyń jubaıyn óltirý deregi boıynsha isti jeke baqylaýyma aldym. Kúdikti qamaýǵa alyndy. Qalalyq Polısıa departamentiniń basshysy Q.Taımerdenovke tergeýdiń jan-jaqtylyǵy men obektıvtiligin qamtamasyz etýdi tapsyrdym. Marqumnyń otbasy men jaqyndaryna kóńil aıtamyn, – dep jazdy ákim.
Posmotret etý pýblıkasıý v Instagram
