Batys Qazaqstan oblysynda er adam ózin órtep jiberdi, dep habarlady "Moı gorod" saıty.
Saıt málimetinshe, oqıǵa 2 naýryzda saǵat 16:40-ta bolǵan. BQO turǵyny oblystyq máslıhat ǵımaratynda ústine benzın quıyp ózin órtep jibergen.
– Aldyn ala málimetter boıynsha, 46 jastaǵy er adam densaýlyq saqtaý basqarmasynyń sheshimimen kelispegen. Qazirgi ýaqytta oqıǵa ornynda polısıa qyzmetkerleri jumys istep jatyr. Er adam tiri, denesin kúıik shalǵan. Basqa adamdar zardap shekpedi, – dep habarlady seısenbi kúni oblystyq polısıa departamentiniń baspasóz qyzmeti.
Densaýlyq saqtaý basqarmasynyń baspasóz qyzmeti bul oqıǵaǵa keıinirek túsinikteme berýge ýáde berdi.
Pikir qaldyrý