QR joǵarǵy sottyń sýdıalary qyzmetinen bosatyldy. Bul týraly Parlament senatynyń jalpy otyrysynda joǵary sot keńesiniń tóraǵasy Talǵat Donaqov habarlady.
– Sizderdiń qaraýyńyzǵa Anatolıı Sergeevıch Smolındy jáne Serik Qazbekuly Ábnásirovti joǵarǵy sot sýdıasynyń qyzmetinen bosatý týraly memleket basshysynyń usynymy engizilip otyr.
Prezıdent jarlyǵymen Smolın Qostanaı oblystyq sotynyń tóraǵasy qyzmetine taǵaıyndaldy. Sonymen qatar sýdıa Ábnásirov zeınetkerlik jasqa tolýyna baılanysty otstavkaǵa shyǵý týraly ótinish berdi, – dedi Talǵat Donaqov.
Palata depýtattary osy usynysqa qoldaý bildirip, sýdıalardy qyzmetinen bosatý týraly sheshim qabyldady.
Pikir qaldyrý