Qazaqstannyń bas sanıtar dárigeri Erlan Qıasov COVID-19 koronavırýstyq ınfeksıasynyń taralýynyń aldyn alý maqsatynda karantın sharalaryna tolyqtyrýlar men ózgerister engizdi.

Jańa qaýlyǵa sáıkes 2020-2021 oqý jylynyń úshinshi toqsanynda:

• oqýshylar sany 300-ge deıin kontıngenti bar, synyptarda 15-ten kóp emes bala sanymen qalalyq jáne aýyldyq mektepterde dástúrli formatta oqytýǵa ruqsat beriledi;

• 2021 jylǵy 1 naýryzdan bastap jalpy bilim beretin mektepterde mektep aldy synyptardyń, 1 synyptan 5 synypqa deıin qosa alǵanda, halyqaralyq mektepterde 1 synyptan 7 synypqa deıin qosa alǵanda, synyptarda 25-ke deıin bala sanymen oqýshylardy aralas formatta oqytýǵa ruqsat etiledi;
• oqý bitiretin synyptar (9, 11 (12) synyptar) úshin aptanyń 6 kúni ishinde aralas formatta oqytýǵa: pánderdiń 70%-y shtattyq rejımde, 30%-y qashyqtyqtan oqytylady;
• bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat beriledi.

Osy qaýly 9 naýryz saǵat 00:00-den bastap kúshine enedi.