Prezıdent Qasym-Jomart Toqaev Dúnıejúzilik densaýlyq saqtaý uıymy bir jyl buryn pandemıa bastalǵanyn jarıalaýyna baılanysty málimdeme jasady.

– Bir jyl buryn DDSU pandemıanyń bastalǵanyn jarıalady. Sodan beri Qazaqstan búkil álemmen birge kóptegen qıyndyqty bastan ótkerdi. Memleket azamattardyń ómiri men densaýlyǵyn qorǵaý úshin pármendi sharalar qabyldady.

Tótenshe jaǵdaı kezinde tabyssyz qalǵan turǵyndarǵa qarjylaı jáne basqa da kómek berildi. Biz bereke-birlik pen ózara qoldaýdyń arqasynda órshigen indetti eńserdik, – dedi prezıdent.

Toqaev elde qaýipti indettiń qateri áli de seıilgen joǵyn atap ótti. Onyń aıtýynsha, vırýsty vaksınasıa arqyly ǵana túbegeıli aýyzdyqtaı alamyz.

Memleket basshysy qazaqstandyqtardy aýyryp em izdegenshe, aýyrmaıtyn jol izdeýge shaqyrdy.