Bilim jáne ǵylym mınıstrligi kolejderde oqý merzimi qysqaratynyn málimdedi. Sondaı-aq tehnıkalyq jáne kásiptik bilim berý uıymdaryna akademıalyq derbestik beriledi. Sonyń aıasynda birqatar ózgerister engizý múmkin bolady.

"Kolejderde oqytylatyn bilim baǵdarlamalary jumys berýshilerdiń qatysýymen jetildiriledi, jańartylady jáne naryqtaǵy suranys pen talaptarǵa sáıkes ıkemdeledi.

9-synyptan keıin kolejge oqýǵa túsken stýdentter úshin oqý merzimi burynǵydaı úsh jarym jyl emes, eki jylǵa deıin qysqarady.

11-synyptan keıin kolejge túskender úshin oqý merzimi eki jarym jyl emes, 1,5 jyldy quraıtyn bolady.  Kolejderdegi bilim berý grant kólemi kezeń-kezeńmen ulǵaıady" delingen mınıstrlik taratqan habarlamada.

Mınıstrliktiń málimdeýinshe, bıyl "Jas maman" jobasy aıasynda 180 kolejdiń ınfraqurylymyn jańǵyrtý jumystary aıaqtalady. Jobanyń qorytyndysy boıynsha árbir óńirde materıaldyq-tehnıkalyq bazasy, jańa oqý josparlary men baǵdarlamalary bar keminde 7 zamanaýı kolej jumys isteıtin bolady.