13 naýryzda Almatynyń bas sanıtar dárigeri Jandarbek Bekshınniń jańa qaýlysy kúshine enedi. Ol boıynsha jańa shekteý sharalary engiziledi.

13, 14 naýryz kúnderi qoǵamdyq kólik, onyń ishinde metro qyzmetine, qalaaralyq, oblysaralyq turaqty avtobýstar men mıkroavtobýstardyń qatynaýyna tyıym salynady. 

Tamaqtaný oryndary 50 paıyz syıymdylyqty saqtaı otyryp, kelýshiler sanyn 30 adamnan asyrmaı 09.00 men 20.00-ge deıin, saýda úılerindegi fýdkorlar men tamaqtaný oryndary ózimen alyp ketý, jetkizý qyzmeti arqyly tańǵy 10.00-den túngi 24.00-ge deıin isteıdi.

Aldaǵy senbi-jeksenbide saýda oıyn-saýyq ortalyqtarynyń, jabyq bazarlardyń, sport keshenderiniń, sport-saýyqtyrý ortalyqtary men fıtnes ortalyqtardyń, saýna, SPA-ortalyqtardyń qyzmeti toqtatylady. Sondaı-aq sırk, karaoke, túngi klýbtar, býkmekerlik kontorlar, saýda úılerindegi balalarǵa arnalǵan oıyn alańdary men batýttar qyzmetine, buqaralyq sharalar, jınalystar ótkizýge, juma namazyn oqýǵa tyıym salynady.

Jeksenbi ashyq bazarlar jumysy toqtaıdy.

Sporttyq sharalardyń jankúıersiz ótkizýge ruhsat. Qoǵamdyq monsha qyzmeti de shektelmeıdi. 

Ashyq pılottyq jobasyna engen bılárd, boýlıń, kompúter klýbtary, mýzeı men kitaphana, zoobaq qyzmetin jalǵastyrady. Shymbulaq, Kóktebe qonaqtardy qabyldaı beredi.