Búgin Almaty mańynda ushaq apaty boldy. Bul týraly Almaty áýejaıynyń Facebook paraqshasynda habarlandy. 

"Búgin saǵat 17:20 shamasynda Almaty áýejaıyna qonýǵa bet alǵan kezde Nur-Sultan-Almaty baǵyty boıynsha kele jatqan AN-26 áýe kemesimen baılanys úzildi. Birden dabyl jarıalandy, áýejaıdyń avarıalyq-qutqarý qyzmetkerleri oqıǵa ornyna shyqty. Aldyn ala aqparat boıynsha, bort ushý-qoný jolaǵynyń sońynda apatqa ushyraǵan" delingen habarlamada.

Almaty qalalyq qoǵamdyq densaýlyq saqtaý basqarmasy baspasóz qyzmetiniń habarlaýynsha, apattan tórt adam qaıtys bolyp, eki adam jansaqtaý bóliminde jatyr.

"Zardap shekken eki adam Almaty oblysy İle aýdandyq aýrýhanasyna jetkizildi. Olardyń jaǵdaıy týraly áli eshteńe bilmeımiz. Almaty áýejaıyna 10 jedel járdem brıgadasy jiberildi. Órt sóndirildi" delingen habarlamada.