2024 jylǵa qaraı pedagogterdiń jalaqysy 2 esege artady. Bul týraly mınıstr Asqat Aımaǵambetov bilim jáne ǵylym mınıstrliginiń alqa májilisinde aıtty.

– Memleket basshysynyń bergen tapsyrmasynyń sheńberinde, 2024 jylǵa qaraı pedagogterdiń jalaqysy 2 esege artady. Onyń barlyǵy mektepterdi kadrlarmen tolyq jabdyqtaýǵa múmkindik beredi, – dedi mınıstr.

Sondaı-aq Aımaǵambetov aldyńǵy jyly pedagog mamandardy daıarlaýda memlekettik granttyń kólemi 1 mln teńgege deıin ulǵaıtylǵanyn jetkizdi.

– Joǵary jáne joǵary oqýdan keıingi bilim berýde kadrlar daıarlaýǵa arnalǵan memlekettik tapsyrys kóleminiń jyl saıyn ósýi baıqalady. Ózderińiz biletindeı, osynyń aldynda memlekettik granttyń quny 340-440 myń teńge bolǵan. Aldyńǵy jyly memleket basshynyń qoldaýynyń arqasynda osy memlekettik granttyń kólemin 1 mln teńgege deıin ulǵaıttyq. Bul óz kezeginde ýnıversıtetterge materıaldyq-tehnıkalyq jaǵdaıyn jaqsartýǵa jáne pedagogtardyń, oqytýshylardyń jalaqysyn kóterýge múmkindik berdi. 2019 jyly qyrkúıekte mınıstrlikke qarasty ýnıversıtetter pedagogteriniń jalaqasyn 20 paıyzǵa kóterse, 2020 jyly qyrkúıek aıynda taǵy da 20 paıyzǵa kóterdi. Áli de bul jumysty jalǵastyrýymyz kerek, – dedi Aımaǵambetov.

Onyń aıtýynsha, búgingi kúni joǵary oqý oryndary pedagogteriniń jalaqysy óte tómen.

– Mekteptermen jáne kolejdermen salystyrǵan kúnniń ózinde bul kórsetkish básekege qabiletti emes. Sondyqtan bul jumysty jalǵastyrý – barlyq rektordyń aldynda turǵan negizgi paryzynyń biri, – dedi mınıstr.