Prezıdent Qasym-Jomart Toqaev Ózbekstan prezıdenti Shavkat Mırzıóevpen telefon arqyly sóılesti, dep habarlady Aqorda saıty.

"Memleket basshylary Ortalyq Azıadaǵy ahýal jóninde pikir almasyp, strategıalyq mańyzy zor óńirdegi qaýipsizdikti, turaqtylyqty jáne órkendeýdi qamtamasyz etý maqsatynda aýqymdy ári jemisti yntymaqtastyqqa eki taraptyń da múddeli ekenin naqtylady.

Eki eldiń úkimetteri ózara saýda-ekonomıkalyq, gýmanıtarlyq yntymaqtastyqtyń negizgi máselelerin sheshý boıynsha kelisilgen jumystardy jalǵastyra beredi" delingen habarlamada.

Toqaev Almaty áýejaıy mańynda bolǵan áýe apatynan adamdardyń qaza bolýyna baılanysty kóńil aıtqany úshin Ózbekstan basshysyna rızashylyǵyn bildirdi.

Eki eldiń prezıdentteri bir-birin kele jatqan Naýryz merekesimen quttyqtap, Qazaqstan men Ózbekstan halyqtaryna baq-bereke tiledi.