Qyzylorda oblysynda órtten 4 adam qaıtys boldy. Bul týraly oblys ákimi Gúlshara Ábdihalyqova facebook paraqshasynda habarlady.
– Búgin Qarmaqshy aýdany, Josaly kenti, Rústembekov kóshesi, 29-turǵyn úıde túski saǵat 13:30 kezinde 27 lıtrlik gaz balony jarylyp, 144 sharshy metr jer órtke oranyp, 4 adam qaıtys boldy:
2001 jyly týǵan S. Ómirtaeva;
1981 jyly týǵan R. Aıtmahanova;
2000 jyly týǵan N. Aıtmahanova;
1999 jyly týǵan S. Myrhıev, – dep jazdy Ábdihalyqova.
Órt sóndirý bólimshesi kelgenge deıin 1950 jyly týǵan S.Almahanova hırýrgıa bólimshesine jatqyzylǵan.
Órtti sóndirýge tótenshe jaǵdaı departamentiniń 16 qyzmetkeri jáne 4 birlik tehnıka, ÓKM-niń 20 qyzmetkeri jáne 4 birlik tehnıkasy, jergilikti atqarýshy organnyń 10 qyzmetkeri jáne 3 birlik tehnıkasy, prokýratýranyń 3 qyzmetkeri men 1 birlik tehnıkasy, bastapqy medısınalyq-sanıtarlyq kómek qyzmetiniń 8 qyzmetkeri jáne 3 birlik tehnıkasy, Qyzylorda elektr taratý toraptary kompanıasynyń 3 qyzmetkeri jáne 1 birlik tehnıkasy jumyldyrylǵan.
– Qaıtys bolǵan azamattardyń týǵan-týystaryna Syr eli jurtshylyǵy atynan qaıǵyra kóńil aıtamyn. Bul bárimizge de jeńil tımedi. Qazirgi tańda osyǵan baılanysty másele meniń tikeleı baqylaýymda tur. Órtten, sýdan, basqa da apattan aman bolaıyqshy, jerlester! – dep jazdy oblys ákimi.
Pikir qaldyrý