Bńilim jáne ǵylym mınıstri Asqat Aımaǵambetov Almatyda tarıhshy-ǵalymdarmen jáne tarıh pániniń muǵalimderimen kezdesip, prezıdent Toqaevtyń "Táýelsizdik bárinen qymbat" maqalasynda mindettegen tapsyrmalaryn oryndaý barysyn talqylady. Bul týraly ol facebook-tegi paraqshasynda jazdy.
Ol Qasym-Jomart Toqaev Qazaqstan tarıhy boıynsha jańa akademıalyq basylymdy, sondaı-aq Qazaqstan tarıhy páni boıynsha biryńǵaı oqýlyqtardy daıyndaýdy tapsyrǵanyn atap ótti.
– Ǵalymdarmen jáne muǵalimdermen Qazaqstannyń tarıh ǵylymyn damytý tujyrymdamasyn ázirleý máseleleri, Qazaqstan tarıhy boıynsha jańa akademıalyq basylymdy, Qazaqstan tarıhy boıynsha bazalyq mektep oqýlyǵyn daıyndaýdyń uıymdastyrýshylyq jáne ádisnamalyq máseleleri, mektepterde tarıhty oqytý problemalary, onyń ishinde úlgilik baǵdarlama daıyndaý týraly máseleler talqylandy. Bul ortaq jumystyń mańyzy zor. Bul jumysta naýqanshyldyq pen asyǵystyq bolmaý kerek ekeni de túsinikti. Bizdiń mınıstrlik tarıhshy ǵalymdar men muǵalimderdiń aıtqan usynystary men ıdeıalaryn eskeretin bolady. Joǵaryda atalǵan baǵyttar boıynsha jumysqa barlyq tarıhshylardy qatysýǵa shaqyramyn. Óz usynystaryńyzdy Ǵylym komıtetiniń korporatıvtik poshtasyna kn@edu.gov.kz jiberýdi suraımyn, – dedi mınıstr.
Pikir qaldyrý