«Estýshi memleket» tujyrymdamasy sheńberinde memlekettik organdardy servıstik qyzmettiń modeliniń formatyna aınaldyrý jalǵasýda.

Osylaısha, Sybaılas jemqorlyqqa qarsy qyzmettiń ozyq tájirıbesi boıynsha Almaty qalalyq polısıa Departamentinde jáne onyń barlyq bólimshelerinde «Adaldyq alańy»  front-ofısi ashyldy.

 Keńseni PD basshysy Qanat Taımerdenov pen Almaty qalasyndaǵy Sybaılas jemqorlyqqa qarsy qyzmettiń basshysy Nyǵmedjan Saparov ashty.

«Maqsat - sybaılas jemqorlyq deńgeıin tómendetý jáne halyqtyń ishki ister organdaryna degen senimin arttyrý. Jobany júzege asyrýǵa qyzmetterdiń jáne bólimshelerdiń tájirıbeli qyzmetkerleri, sondaı-aq qoǵam qatysady. Jobalyq keńseniń basty mindeti sybaılas jemqorlyqqa yqpal etetin usynystardy jınaý, qalyptastyrý, sebepter men jaǵdaılardy joıý boıynsha jańa tásilder men sheshimderdi ázirleý.  Olar qoǵamdyq talqylaýǵa shyǵarylyp, ujymdyq túrde qaralatyn bolady», - dep habarlady, Almaty qalalyq polısıa Departamentiniń bastyǵy Qanat Taımerdenov.

Spıkerlerdiń pikirinshe, Almatydaǵy "Adaldyq alańy" keńsesin belgili jýrnalıs Vasılıı Shýpeıkın basqarady.

Joba tikeleı azamattar úshin barlyq qolaıly jaǵdaılar jasalǵan jáne barlyq sanıtarlyq - epıdemıologıalyq standarttar saqtalǵan PD-niń front-ofısinen bastalady.  Munda bilikti mamandar turǵyndarǵa quqyqtyq keńes beredi.  Azamattardyń múddeleri birinshi kezekke qoıylady, sonymen qatar ashyqtyq pen aıqyndylyq, qoǵamnyń senimi jáne sybaılas jemqorlyqqa qarsy turý qaǵıdattaryn iske asyrý.

Quqyq qorǵaý organdarynyń jańa jumys formatyna kóshýi - bul qyzmet alýshymen dıalogtyń ashyq nysany, bul azamattardyń memlekettik bılik ınstıtýttaryna degen senimin arttyrýǵa jáne sybaılas jemqorlyqqa qarsy mádenıetti qalyptastyrýǵa yqpal etedi.  Bul tehnologıany qoldaný zamanaýı sybaılas jemqorlyqqa qarsy saıasattyń barlyq talaptaryna saı keledi.

«Memlekettik organdardyń ashyqtyǵy men aıqyndyǵy bizdiń jumysymyzdyń basty basymdyqtary bolyp tabylady.  Biz barlyq memlekettik organdarda «Adaldyq alańynyń» front-ofısterin ashýdy jalǵastyrýdamyz.  Memlekettik organdardyń mundaı ózgerýi kúndelikti sybaılas jemqorlyqty azaıtýǵa jáne azamattardyń ótinishterine jedel jaýap berýge múmkindik beredi », - dedi, Nyǵmedjan Saparov.