Almatynyń bas sanıtar dárigeri Jandarbek Bekshın jańa qaýlyǵa qol qoıdy. Bul týraly qalalyq sanıtarıalyq-epıdemıologıalyq baqylaý departamentiniń baspasóz qyzmeti habarlady.

Qaýlyǵa sáıkes, demalys kúnderi saýda úıleri, jabyq bazarlar, ashyq bazarlar, balalardy túzetý bólmeleri, eresekter jáne balalaǵa arnalǵan bilim berý ortalyqtary, mádenıet nysandary, teatr, kınoteatr, konserttik nysandar, sırkter, balalardyń oıyn-saýyq ortalyqtary, banket zaldarynyń jumys isteýine tyıym salynady.

Sondaı-aq kópshilik jáne buqaralyq is-sharalardyń, ıaǵnı konferensıalar, forýmdar, jıyndar, mıtıńter, sherýler, pıketter jáne bir otbasy múshelerinen artyq adamdardyń qatysýymen ótkiziletin toılar, mereıtoılar, ulttyq yrymdar, týǵan kún merekesiniń ótýine de tyıym salynady.

Qoǵamdyq kólikterdiń jumys isteý kestesine ózgeris engizildi. Jumys kúnderi shtattyq rejımde, demalys jáne mereke kúnderi kúndiz saǵat 06:00-den 10:00-ge deıin, keshke saǵat 17:00-den 22:00-ge deıin júredi.

Qujat 20 naýryzda kúshine enedi.

Qujattyń tolyq nusqasy myna jerde.