Semeıde mádenı-sport keshenine "Elbasy Arena" ataýyn berý usynyldy, dep habarlady altaynews.kz saıty.

Saıt málimetinshe, Semeı qalasynyń máslıhatynda Qazaqstannyń ataqty sportshylary men eńbek sińirgen qaıratkerlerinen, ǵylymı jáne shyǵarmashylyq zıaly qaýym ókilderinen, ardagerler, ÚEU, BAQ ókilderinen, eriktiler qozǵalysynyń belsendilerinen, jastardan, sondaı-aq iri kásiporyndar men aýyl sharýashylyǵy qurylymdary jetekshilerinen quralǵan toptyń haty qaralǵan.

Hatta Qaraǵaıly jańa turǵyn aýdanyndaǵy ataýsyz kóshege Nursultan Nazarbaev atyn berý týraly aıtylǵan. Sonymen qatar mádenı-sport keshenge "Elbasy Arena" dep ataý usynyldy.

"Bul bastama Nazarbaevtyń eldiń qalyptasýyndaǵy rólin eskerip, sondaı-aq táýelsizdiktiń 30 jyldyǵyna oraı kóterilip otyr" delingen jazbada.

Másele qalalyq máslıhattyń turaqty komısıasynyń qaraýyna shyǵaryldy. Onlaın jáne offlaın formatta ótkizilip, oǵan 10 myńnan astam adam qatysqan.

Otyrys barysynda qalalyq jáne oblystyq máslıhattardyń depýtattary, QR eńbek sińirgen qaıratkerleri, sport qaýymdastyǵynyń ókilderi sóz sóılegen.

Nátıjesinde sóz sóıleýshilerdiń pikirlerin nazarǵa ala otyryp, depýtattar biraýyzdan daýys berip, bul máseleni qalalyq máslıhat sesıasynda talqylaýdy usyndy.