2021 jylǵy 1 naýryzdaǵy jaǵdaı boıynsha Qazaqstanda resmı túrde 14086 sheteldik jumys isteıdi. Bul týraly eńbek jáne halyqty áleýmettik qorǵaý mınıstrligi habarlady.
Onyń ishinde 637 adam basshy jáne olardyń orynbasary, 3 214 adam qurylymdyq bólimshelerdiń basshysy, 7 236 adam maman, 590 adam bilikti jumysshy bolyp qyzmet etedi. 689 adam maýsymdyq qyzmette, 1 720 adam korporatıvtik aýystyrý sheńberinde eńbek etedi.
Eńbek mıgrattary kelgen el boıynsha kórsetkish tómendegideı.
3613 adam adam Qytaı azamaty, 1484-i Túrkıa, 1106-i Úndistan, 1002 adam Vengrıa azamaty, 654 jumysshy Ózbekstannan kelgen.
Jyl saıyn elge sheteldik mamandardy tartýǵa arnalǵan kvota belgilenedi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti quraǵan.
Pikir qaldyrý