Almaty qalasynyń bas sanıtar dárigeri Jandarbek Bekshın koronavırýstyq ınfeksıanyń aldyn alý úshin qatań karantın sharalary engiziletinin eskertti.

Jańa qaýlyǵa sáıkes:

• merekelik, oıyn-saýyq, kópshilik mádenı, bilim berý is-sharalardy, kórmelerdi, korporatıvti, forýmdardy, konferensıalardy, sondaı-aq otbasylyq, estelik is-sharalardy ótkizýge tyıym salynady;
• Naýryz meıramyn jáne basqa da is-sharalardy toılaýdy jappaı uıymdastyrýǵa tyıym salynady;
• balalardy saýyqtyrý lagerleriniń qyzmeti toqtaıdy;
• qoǵamdyq kólikte, taksıde, metroda, áýejaılarda sanıtarlyq jáne dezınfeksıalyq jumystar júrgiziledi;
• bilim berý mekemelerinde tamaqtaný oryndarynyń jumysy toqtaıdy;
• saýda ortalyqtary men bazarlardyń jumysy toqtatylady.

Qaýly 21 naýryz saǵat 00:00-den bastap kúshine enedi jáne 28 naýryzǵa deıin qoldanysta bolady.