Qazaq jýrnalısi Dúráli Dúısebaı qaıtys boldy. Bul týraly jýrnalıs Qýat Áýesbaı facebook paraqshasynda habarlady.

"Belgili jýrnalıs Dúráli Dúısebaı aǵamyz ómirden ozdy degen qaraly habar estidik... Dúraǵamen "Halyq sózi" gazetinde birge qyzmettes boldyq, ańqyldaǵan, aqkóńil, jan balasyna qyldaı qıanaty joq azamat edi... Qaıran, Dúr-aǵam-aı! Týǵan-týys, dostaryna, áriptes barshańyzǵa qaıǵyǵa ortaqtasa kóńil aıtamyn! – dep jazdy Qýat Áýesbaı.

Dúráli Dúısebaı 1954 jyly Túlkibas óńirinde týǵan. Mektepti 1971 jyly támamdap, QazMÝ-dyń jýrnalısıka fakúltetine oqýǵa túsken.

1981 jyly "Lenınshil jas" gazetine jumysqa ornalasyp, 16 jyl jumys istegen.

1996 jyly QR Memlekettik tergeý komıtetiniń jańadan ashylǵan "Qylmys pen jaza" gazetinde bas redaktor qyzmetin atqarǵan.

Keıinnen áskerı qyzmette bolyp, zeınetke shyqqan soń "Halyq sózi", "Sport" gazetterinde jumys istegen. L.N.Gýmılev atyndaǵy Eýrazıa ulttyq ýnıversıtetinde oqytýshy bolǵan.