23 naýryzda 1088 adamnan koronavırýs anyqtalyp, 7 adam qaıtys boldy, 15 adam pnevmonıa juqtyryp, 3 adam kóz jumdy, dep habarlady Densaýlyq saqtaý mınıstrligi.
24 naýryzdaǵy málimet boıynsha, 19 246 naýqas koronovırýstan, 2 768 syrqat pnevmonıadan emdelip jatyr. Olardyń ishinde 6 537 pasıent stasıonarda, 15 477 naýqas ambýlatorıalyq deńgeıde em qabyldaýda.
İndetke shaldyqqandar arasynda 304 adamnyń jaǵdaıy aýyr, 75 pasıenttiń jaǵdaıy óte aýyr, 42 naýqas ÓJJ apparatynda jatyr.
Resmı statısıka boıynsha elde koronavırýs anyqtalǵan 2020 jylǵy 13 naýryzdan beri 235 095 adam koronavırýs juqtyrǵan. Onyń 2941-i qaıtys bolǵan.
2020 jylǵy 1 tamyzdan beri statıtıkasy júrgizilip kele jatqan pnevmonıaǵa búgingi kúnge deıin 50 146 naýqas shaldyqqan. 667 adam qaıtys bolǵan.
Statıtıka komıtetiniń dereginshe, 2020 jyly ólim-jitim kóp bolǵan. Ólimniń ortasha kórsetkishi aldyńǵy jyldarǵa qaraǵanda 30 myń adamǵa artyq.
Pikir qaldyrý