Prezıdent Qasym-Jomart Toqaev premer-mınıstr Asqar Mamındi qabyldady. Bul týraly Aqorda saıty habarlady.

Saıt málimetinshe, premer-mınıstr Qazaqstanda sıfrlyq platforma qurý týraly memleket basshysynyń bergen tapsyrmasynyń oryndalý barysy jaıynda baıandaǵan.

"Qasym-Jomart Toqaev muqtaj azamattardy sapaly baspanamen barynsha qamtamasyz etý maqsatynda úkimetke "Nurly jer" memlekettik baǵdarlamasyn tolyqqandy iske asyrýǵa qatysty problemalardy sheshýge erekshe nazar aýdarýdy tapsyrdy" delingen resmı saıt taratqan habarlamada.

– Úkimet jergilikti mańyzy bar joǵary sapaly joldardy jóndeý jáne salý máselelerimen aınalysýy kerek, – dedi Toqaev.

Prezıdenttiń aıtýynsha, azamattarǵa vaksına salýdy aqparattyq turǵydan qamtamasyz etý jáne bıylǵy belgilengen shekke (6 mln adam) qol jetkizý máselesi de ózekti.

Sondaı-aq memleket basshysy úkimet pen oblys ákimderine azyq-túlik baǵasynyń odan ári ósýine jol bermeý úshin baqylaýdy kúsheıtýdi tapsyrdy.