Almatynyń bas sanıtar dárigeri Jandarbek Bekshın jańa qaýly shyǵaryp, karantın rejımin 12 sáýirge deıin sozdy.
Jańa qaýlyǵa saı saýda oıyn-saýyq ortalyqtary, saýda úıleri, murajaı, zoobaq, ashyq jáne jabyq azyq-túlik emes bazarlar, kitaphana, kafeler men restorandar jumysyna tyıym salynady.
Jalpy bilim berý mektepteri men arnaýly, joǵary oqý oryndarynda sabaq qashyqtan oqý formatyna kóshedi. Bala sanyn 15-ten asyrmaǵan jaǵdaıda 1-5, 9 ben 11-synyptardaǵy kezekshi toptar jumysyna ruhsat etiledi.
Qoǵamdyq kólik jumys kúnderi shtattyq rejımde, demalys kúnderi 6.00 men 10.00, 17.00 men 22.00 araǵyǵynda júredi.
Azyq-túlik dúkenderi men mınımarketter 06.00 men 24.00, sýpermarketter 06.00 men 02.00 aralyǵynda isteıdi.
Shashtarazdar tek shash qyrqý qyzmetin usynady. Sán salondarynyń jumysy shekteledi.
Fıtnes ortalyqtardyń, qoǵamdyq monshalardyń, kınoteatrlar men teatrlardyń jumysyna, Medeýde jappaı syrǵanaýǵa tyıym salynady.
Halyqqa qyzmet kórsetý ortalyqtary men Qazposhta 09.00 -18.00 aralyǵynda isteıdi.
Pikir qaldyrý