Eńbek jáne halyqty áleýmettik qorǵaý mınıstrligi 2021 jyldyń qańtar-aqpanynda 649 myńnan astam adam ataýly áleýmettik kómek alǵanyn habarlady.

"2021 jyldyń 1 naýryzyndaǵy jaǵdaı boıynsha 128,8 myń otbasyndaǵy 649 myń adamǵa ataýly áleýmettik kómek taǵaıyndaldy. Bul maqsatqa búdjetten 122,8 mıllıard teńge bólindi" delingen habarlamada.

Mınıstrliktiń habarlaýynsha, ataýly áleýmettik kómek otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

2021 jyldyń 1 naýryzyndaǵy jaǵdaı boıynsha AÁK alýshylar qataryndaǵy 1-6 jasqa deıingi 154,3 myń balaǵa azyq-túlik jáne turmystyq hımıa jıyntyǵy túrinde áleýmettik toptama taǵaıyndalǵan.