Qazaqstan ulttyq quramasynyń  birneshe oıynshysy koronavırýs juqtyrǵan. Bul týraly jýrnalıs Aıdyn Qojahmet óziniń telegram paraqshasynda jarıalady.

– Bizdiń fýtbolda taǵy tótenshe jaǵdaı. Qazaqstan quramasynyń shtab-páterinen birneshe adam koronavırýs juqtyrǵany belgili boldy. Olar jattyqtyrýshy Sergeı Kalúbın jáne komanda ákimshisi Maksım Shaýbert. Endi kim oqshaýlanyp, kim Kıevke baratyny belgisiz. Óıtkeni vırýs juqtyrǵandarmen birge, jattyqtyrýshylar shtabynyń basqa músheleri, ákimshilik quramy, tipti oıynshylar da qarym-qatnasta bolǵan, – dedi Qojahmet.

Fýtboldan Qazaqstan quramasy 2022 jylǵy álem chempıonatyna irikteý týrnırin bastady. Keshe ulttyq qurama "Astana Arenada" Fransıany qabyldap, 0:2 esebimen jeńilgen.

Endi komanda 31 naýryzdan 1 sáýirge qaraǵan túni Kıevte Nur-Sultan ýaqytymen 00:45-te Ýkraınamen kezdesýi kerek.