Atyraý oblysy Qurmanǵazy aýylynda 25 jastaǵy polısıa qyzmetkeri asylyp qalǵan, dep jazady Aq Jaıyq saıty. Ol Teńiz polısıa bóliminde kezekshiniń kómekshisi bolyp qyzmet etken.

Polıseıdiń denesi stadıondaǵy týrnıkte asylyp turǵan jerinen tabylǵan. Oqıǵa boıynsha qylmystyq kodekstiń 105-baby (ózin-ózi óltirýge deıin jetkizý) boıynsha is qozǵaý máselesi qarastyrylyp, sotqa deıingi tergeý júrip jatyr.

Basylym bul Atyraý oblysynda naýryz aıynda bolǵan alǵashqy polıseı qazasy emes ekenin jazdy.

20 naýryzda Mahambet aýdany Oral ózininiń boıynan 25 jastaǵy polıseıdiń denesi tabylǵan. Múrde tabylǵan jerde marqumnyń kóligi de turǵan. Atalǵan derek boıynsha tergeý júrip jatyr.

Al 19 naýryzda Bas polısıa basqarmasynda psıholog bolyp istegen polısıa leıtenanty úıinde kóz jumǵan. Qaıǵyly oqıǵa polıseıdiń úılený toıyna sanaýly kún qalǵanda bolǵan. Atyraý polısıa basqarmasynyń málimetinshe, quqyq qorǵaý organy qyzmetkeriniń qazasyna syrqat sebep bolǵan.