Densaýlyq saqtaý mınıstri Alekseı Soı qaýipti indetti toqtatýdyń joly ekpe saldyrý ekenin aıtty. Bul týraly ol ortalyq komýnıkasıalar qyzmetinde ótken brıfıńte málimdedi.

– Vaksınasıa vırýsty toqtatatyn jalǵyz jol. Janama áserleri joq árbir qazaqstandyqty vaksına alýǵa shaqyramyn. Osylaı ǵana biz qalypty ómirge orala alamyz. Vırýstyń taralýyn toqtatý úshin qarapaıym saqtyq sharalaryn da saqtaý kerek.

Koronavırýsqa qarsy vaksınasıa jalǵasýda. Búgingi kúni birinshi komponentpen 131 170 adam ekpe qabyldady. 22 aqpannan bastap vaksınasıanyń ekinshi komponentimen 32 482 adam ekpe qabyldady, – dedi Soı.

Mınıstrdiń aıtýynsha, sáýir aıynda túrli óndirýshilerden qosymsha 2,5 mln doza vaksına jetkizý josparlanýda.