Talǵat Janjúmenov ındýstrıa jáne ınfraqurylymdyq damý vıse-mınıstri qyzmetinen bosatyldy. Bul týraly premer-mınıstrdiń baspasóz qyzmeti habarlady.

"Úkimet qaýlysymen Talǵat Jeńisuly Janjúmenov bergen ótinishine sáıkes Qazaqstan Respýblıkasynyń ındýstrıa jáne ınfraqurylymdyq damý vıse-mınıstri qyzmetinen bosatyldy" delingen resmı saıt taratqan habarlamada.

Talǵat Janjúmenov 1968 jyly Shyǵys Qazaqstan oblysynda týǵan. Lenın komsomoly atyndaǵy Volskoe joǵary áskerı tyl ýchılıshesin, RF QK Tyl jáne kólik áskerı akademıasyn, RF QK bas shtabynyń áskerı akademıasyn bitirgen.

Eńbek jolyn Qazaqstan qarýly kúshterinde áskerı qyzmette bastaǵan. 2019 jyly sıfrlyq damý, qorǵanys jáne aeroǵarysh ónerkásibi birinshi vıse-mınıstri qyzmetin atqardy.

2019 jylǵy maýsymnan bastap qazirgi ýaqytqa deıin ındýstrıa jáne ınfraqurylymdyq damý vıse-mınıstri qyzmetin atqarǵan.