Almatydaǵy "Halyq Arena" sport kesheni bazasynda qaıtadan stasıonar qurylyp, oǵan koronavırýs juqtyrǵan jaǵdaıy ortasha naýqastar jatqyzylyp jatyr, dep jazady Informbúro saıty.

Qazirgi ýaqytta ol jerde 18 pasıent jatyr. Sport kesheninde Covid-19-ǵa shaldyqqandarǵa arnalǵan 1000 oryn bar.

"Ol jaqqa ilispe syrqattary bar  jáne jasy úlken naýqastar jetkiziledi. Stasıonarda KVI naýqastarǵa medısınalyq kómek kórsetý úshin barlyq qajetti jaǵdaı jasalǵan. Zamanaýı jabdyqtar men talapqa sáıkes keletin tósek oryndar qamtamasyz etilgen" delingen qoǵamdyq densaýlyq saqtaý basqarmasy habarlamasynda.

Sport kesheni ishindegi provızorlyq ortalyq qyzmeti indet órshýi tómendegen 2020 jylǵy tamyzda toqtatylǵan.