Pavlodar oblysynyń bas sanıtar dárigeri Batyrbek Alıev oblysta karantın sharalarynyń kúsheıtiletinin habarlady. 

"2021 jyldyń 31 naýryzy "Pavlodar oblysy aýmaǵynda karantın sharalaryn shekteý týraly" №8 qaýlyǵy ózgerister men tolyqtyrýlar engizilsin" delingen bas sanıtar jarıalaǵan qujatta.

Atalǵan qaýlyǵa sáıkes: 

• Ashyq jáne jabyq ǵımarattarda otbasylyq, oıyn-saýyq (banketter, úılený toılary, mereıtoılar, as berý), adamdar kóp jınalatyn (mıtıńiler, sherýler, jınalystar) is-sharalar ótkizýge tyıym salynady;
• oıyn-saýyq mekemeleriniń (karaoke, bılárd, kompúter klýbtary, býkmeker keńseleri, loto termınaldary bar obektiler, túngi klýb, boýlıń ortalyqtary) qyzmetine tyıym salynady;
• fýdkorttardyń, banket zaldarynyń jetkizý jáne ózimen alyp ketý qyzmetine ǵana ruqsat beriledi;
• qalaaralyq, aýdanaralyq avtobýstardyń, shaǵyn avtobýs jolaýshylar tasymalynyń jumysyna ruqsat beriledi;
• keńesterdi qashyqtan ótkizý múmkindigi bolmaıtyny dáleldengen jaǵdaıda ǵana kózbe-kóz ótkizýge ruqsat beriledi; 
• mádenıet obektilerine adam sanyn 50-den asyrmaı qyzmet etýine ruqsat beriledi;
• Qazposhta fılıaldary jumys kúnderi 09.00-den 18.00-ge deıin, senbi 9.00-den 14.00-ge deıin jumys isteıdi, jeksenbi demalys;
• otbasylyq, estelik is-sharalaryn (banketter, úılený toılary, mereıtoılar), onyń ishinde úıde jáne adamdar kóp jınalatyn ózge de is-sharalardy ótkizýge jáne olarǵa qatysýǵa, sonymen qatar, jeke úı-jaılar men qurylymdardy buqaralyq korporatıvtik jáne basqa is-sharalardy ótkizý úshin jalǵa alýǵa tyıym salynady.

Osy qaýly 31 naýryz saǵat 00:00-den bastap kúshine enedi.