Aımaǵambetov bilim salasyndaǵy ózgeristerdi málimdedi

/image/2021/04/05/crop-138_7_524x698_2019062004263365.jpg

Dısertasıalyq keńesterdiń jumysyna qatysty normatıvtik-quqyqtyq aktilerge tıisti túzetýler engizildi. Bul týraly Bilim jáne ǵylym mınıstri Asqat Aımaǵambetov habarlady.

– Endi dısertasıalyq keńesterdiń quramy halyqaralyq tájirıbeni eskere otyryp jasaqtalady. Doktoranttyń zertteý taqyryptary ár alýan bolǵandyqtan, dısertasıalyq keńes músheleriniń jartysy ýaqytsha taǵaıyndalatyn bolady.

Endi keńes músheleri, qorǵaý qorytyndysy boıynsha dısertasıalyq keńes PhD dárejesin berý (1), PhD dárejesin bermeý (2), dısertasıany qaıta qorǵaýǵa jiberý (3) nemese doktorant jumysyn pysyqtaýǵa jiberý (4) syndy sheshim qabyldaı alady, – dedi mınıstr.

Sondaı-aq bıyldan bastap, keıbir doktoranttar dısertasıalyq jumysty jazbaı-aq ǵylymı ataqty qorǵaı alatyn bolady.

– Ǵylymı jumysty qorǵaý prosedýrasy ınternet jelisi arqyly tikeleı efırde júrgiziledi. Iaǵnı dısertasıany qorǵaý rásimi tolyǵymen ashyq formatta ótedi. Doktoranttyń dısertasıasy tolyq daıyn bolǵan kezde kafedranyń keńeıtilgen otyrysynda ǵylymı jumys bir ret talqylaýdan ótedi.

Erekshe mártebesi bar joǵary oqý oryndary úshinshi jyl qatarynan PhD dárejesin ózderi taǵaıyndap, jeke úlgidegi dıplomdar berip jatyr. Endi ulttyq joǵary oqý oryndary doktoranttardyń jarıalanymdaryna óz sheshimderi boıynsha, qosymsha, joǵary talaptar qoıa alady. Endi el azamattary dısertasıany onlaın formatta qorǵaı alady, – dep aıtty Aımaǵambetov.

Aımaǵambetov bilim salasyndaǵy ózgeristerdi málimdedi

Qatysty tegter :

Qatysty Maqalalar