Almaty qalasynyń bas sanıtar dárigeri Jandarbek Bekshın koronavırýs ınfeksıasynyń aldyn alý úshin karantın sharalary týraly qaýlysyna ózgerister men tolyqtyrýlar engizdi.

Qaýlyǵa sáıkes:

• 15 adamnan joǵary emes kezekshi toptardy qospaǵanda, barlyq menshik nysanyndaǵy mektepke deıingi uıymdardyń jumysy toqtatylady;
• balalardyń oıyn-saýyq ortalyqtary, atraksıondar, ashyq aýladaǵy batýttar, saıabaqtar men alańdardaǵy velosıpedter, elektr samokattaryn jalǵa alý, janýarlarǵa minýge tyıym salynady;
• kınoteatr, teatrlar jumys istemeıdi;
• qoǵamdyq kóliktiń jumys ýaqyty 23:00-ge deıin uzartylady;
• 65 jastan asqan azamattardyń kóshege shyǵýy shekteledi;
• jerleý rásimderi jaqyn týystardyń qatysýymen 15 adamnan aspastan júrgizilýge tıis;
• Halyqqa qyzmet kórsetý ortalyqtaryna aldyn-ala jazylý boıynsha barý kerek. Jumys kúnderi 9:00-den 18:00-ge deıin, demalys kúnderi 9:00-den 15:00-ge deıin isteıdi;
• sýpermarketterdiń jumys kestesi 09:00-den 22:00-ge deıin bolady;
• ashyq, jabyq, azyq-túlik jáne azyq-túlik emes bazarlar tolymdylyǵy 30 paıyzdan aspaı, kire beriste termometrıa qoıylyp, jumys kestesi 10:00-den 17:00-ge deıin isteıdi. Al senbi jáne jeksenbi jumys isteýge tyıym salynady.

Osy qaýly 2021 jylǵy 12 sáýir saǵat 07:00-den bastap kúshine enedi.