Aqtóbede taksı júrgizýshisi mektep oqýshysyn qaǵyp, oqıǵa bolǵan jerden qashyp ketti, dep habarlady Polisia.kz saıty.
Oqıǵa 8 sáýirde bolǵan. Mánshúk Mámetova kóshesiniń rettelmeıtin jaıaý júrginshiler ótkelinde VAZ kóliginiń júrgizýshisi 12 jastaǵy qyzdy qaǵyp, qashyp ketken. Tártip saqshylary quqyq buzýshyny anyqtady. Ol mobıldi qosymsha arqyly jeke tasymaldaýmen aınalysatyn 59 jastaǵy er adam bolyp shyqty. Saraptama nátıjesinen júrgizýshiniń mas bolmaǵany anyqtaldy.
Atalǵan derek boıynsha tergeý amaldary júrgizilip jatyr. Mektep oqýshysy qalalyq aýrýhanaǵa jatqyzyldy.
Pikir qaldyrý