Májilis tóraǵasy Nurlan Nyǵmatýlın jaqsylyqtyń jarshysy atanǵan Ramazan aıynyń bastalýymen barsha qazaqstandyqtardy quttyqtady. 

«Barsha musylman qaýymyn qasıetti Ramazan aıynyń bastalýymen shyn júrekten quttyqtaımyn. Aılardyń sultany sanalatyn Oraza aıy - keń peıildiń, bereke-birliktiń jáne izgiliktiń, yntymaq pen meırimdiliktiń kórinisi. Sharapaty men shapaǵaty mol aı halyqty janashyr bolýǵa, qaıymdylyq jasap, bir-birine kómektesýge shaqyrady. Osy berekesi men birligi jarasqan Ramazan aıynda jasaǵan ıgi amaldaryńyz, barlyq duǵa-tilekterińiz jáne yqylaspen ustaǵan orazalaryńyz qabyl bolsyn,» - dedi Nurlan Nyǵmatýlın.

Sonymen qatar, májilis tóraǵasy barlyq qazaqstandyqtardy biriktire túsetin osyndaı qasıetti aıda árbir azamatqa rýhanı kúsh-jiger, árbir otbasyna baq-bereke, amandyq elimizge tynyshtyq jáne órkenıet tiledi. 

Májilistiń baspasóz qyzmeti