Mańǵystaý, Qyzylorda, Qostanaı, Aqmola, Pavlodar, Shyǵys Qazaqstan oblystarynda karantın sharalaryna ózgerister men tolyqtyrýlar engizildi. Bul týraly óńirlerdiń bas sanıtar dárigerleri málimdedi.

Mańǵystaý oblysynyń bas sanıtar dárigeri G. Nadýev karantındik jańa shekteý sharalary 17 sáýir saǵat 00:00-den bastap kúshine enetinin eskertti.

Qaýlyǵa sáıkes:

• buqaralyq otbasylyq, sporttyq, saltanatty is-sharalardyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• býkmekerlik keńseler, bılárd, karaoke, banket zaldarynyń qyzmeti toqtatylady;
• balalardy saýyqtyrý lagerleriniń qyzmetine shekteý qoıylady;
• 15 baladan asyrmaı bilim berý ortalyqtarynyń jumysyna ruqsat etiledi;
• medısınalyq ortalyqtarǵa aldyn ala jazylyp barýǵa ruqsat;
• 25 baladan aspaı kezekshi toptardy uıymdastyra otyryp, mektepke deıingi mekemelerdiń jumysyna ruqsat beriledi;
• kontıngenti 300 oqýshyǵa deıin qalalyq jáne aýyldyq mektepterde synypta balalar sanyn 25 adamnan asyrmaı dástúrli formatta oqytýǵa bolady.

Qyzylorda oblysynyń bas sanıtar dárigeri D. Janabergenova karantın sharalaryna qatysty jańa qaýly jarıalady.

Atalǵan qaýlyǵa saı:

• banket zaldary, kompúterlik ortalyqtar men býkmekerlik keńselerdiń jumysyna tyıym salynady;
• kórermendermen sporttyq is-sharalar ótkizilmeıdi;
• qoǵamdyq kóliktiń jumysyna ruqsat beriledi;
• Halyqqa qyzmet kórsetý ortalyqtaryna aldyn-ala jazylý boıynsha qabyldanady. Jumysy 09:00-den 18:00-ge deıin;
• ujymdyq is-sharalardy ótkizbeı dinı obektilerdiń qyzmetine ruqsat beriledi;
• kolejder men JOO-nyń 1-kýrs stýdentteri shtattyq rejımde oqıdy;
• táýekeli tómen jáne ortasha aımaqtarda (jasyl jáne sary aımaq) ornalasqan óńirlerdegi jalpy bilim beretin mektepterde balalar sanyn 25-ten asyrmaı aralas formatta oqýǵa ruqsat etiledi.

Qostanaı oblysynyń bas sanıtar dárigeri E. Daýletbaev koronavırýs ınfeksıasyn juqtyrý qaýpi joǵary tómendegideı adamdardy KVI-ǵa qarsy vaksınasıalaýmen qamtamasyz etýdi tapsyrdy:

• ınfeksıalyq aýrýhanalardyń, jedel medısınalyq kómektiń, reanımasıa jáne qarqyndy terapıa bólimsheleriniń, medısınalyq-sanıtarıalyq alǵashqy kómek kórsetetin densaýlyq saqtaý uıymdarynyń, stasıonarlyq kómek kórsetetin densaýlyq saqtaý uıymdarynyń qabyldaý bólmeleriniń medısınalyq personaly, sanıtarıalyq-epıdemıologıalyq qyzmettiń qyzmetkerleri;
• ulttyq halyq sanaǵyn ótkizý úshin pedagogter, ıntervúerler;
• ýchaskelik polıseıler, tótenshe jaǵdaılar qyzmetiniń, Qorǵanys, İshki ister mınıstrlikteriniń, Ulttyq qaýipsizdik komıtetiniń, Qazaqstan Respýblıkasy Memlekettik kúzet qyzmetiniń, sot organdarynyń qyzmetkerleri;
• medısınalyq-áleýmettik mekemelerdiń personaly men kontıngenti jáne jabyq balalar mekemeleriniń personaly;
• Qazaqstanda akkredıttelgen dıplomatıalyq, konsýldyq mekemelerdiń qyzmetkerleri bolyp tabylatyn memlekettik qyzmetshiler, QR azamattary, ulttyq qurama komandalardyń músheleri;
• QAJ mekemeleriniń personaly;
• áýejaılardyń, temirjol jáne avtomobıl vokzaldarynyń personaly;
• stýdentter:
• sozylmaly aýrýlary bar adamdar (qant dıabeti, ókpeniń sozylmaly obstrýktıvti aýrýy, júrek-tamyr júıesi);
• 65 jastan asqan tulǵalar;
• óndiristik kásiporyndardyń, fabrıkalardyń, aksıonerlik qoǵamdardyń, bıznes qurylymdardyń jáne t. b. qyzmetkerleri;
• konsaltıńtik kompanıalardyń, birlestikterdiń, keńse uıymdarynyń, bank jáne qarjy qurylymdarynyń qyzmetkerleri jáne t. b.;
• QAJ mekemelerindegi adamdar (tergeýge alynǵandar, aıyptalýshylar, sottalǵandar);
• basqa tulǵalar (tizbege enbegen).

Aqmola oblysynyń bas sanıtar dárigeri A. Mýsınanyń karantındik jańa shekteý sharalary 12 sáýir saǵat 00:00-den bastap kúshine endi.

Qaýlyǵa sáıkes, kópshilik jınalatyn is-sharalarsyz, onyń ishinde juma, taraýıh, aıt namazdary men aýyzashardy ótkizbeı, dinı obektilerdiń qyzmetine ruqsat beriledi.

Pavlodar oblysynyń bas sanıtar dárigeri B. Álıev 12 sáýirde karantın sharalary týraly qaýlysyna ózgerister men tolyqtyrýlar engizdi.

Qaýly 15 sáýir saǵat 00:00-den bastap kúshine enedi.

Atalǵan qaýlyda:

• buqaralyq otbasylyq, saltanatty, eske alý is-sharalarynyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• oıyn-saýyq mekemeleriniń (karaoke, bılárd, býkmeker keńseleri, kompúter klýbtary, túngi klýbtar, boýlıń) qyzmetine ruqsat berilmeıdi;
• tolymdylyǵy 30 adamnan aspaı mádenıet obektileri jumysyn jalǵastyrady;
• syıymdylyǵy 20 paıyzdan asyrmaı teatr, kınoteatr, konsert zaldarynyń qyzmetine ruqsat etiledi.

Shyǵys Qazaqstan oblysynyń bas sanıtar dárigeri Q.A. Týrdıev koronavırýs ınfeksıasy taralýynyń aldyn alý úshin óz qaýlysyna jańa ózgerister men tolyqtyrýlar engizdi.

Qaýlyǵa sáıkes, SHQO aýmaǵynda 2021 jyldyń 15 sáýirinen bastap 28 sáýirge deıin sharýashylyq jáne ózge de qyzmetpen, halyqtyń tynys-tirshiliginiń erekshe jaǵdaılarymen aınalysatyndarǵa shekteý sharalary uzartylady.

Qaýly 2021 jyldyń 15 sáýirinen bastap kúshine enedi.