Qaıbir jyly, Qaraǵandyda abhazdyq jigitpen az-kem suhbattasyp qalǵanym bar. Áńgime áldebir baı azamattyń óziniń bir top aýyldasyna jasaǵan qysastyǵy týraly órbidi. Sonda álgi jigit aıtty: "Sizderdi túsinbeımin, basynda baılyǵy, qolynda bıligi bar adamdardan ólerdeı qorqasyńdar. Olarǵa qarsy shyqsaq báribir jeńilip qalamyz degen psıhologıa meńdep alǵan. Ne istese de kóne beresizder. Biz jaqta ondaı emes, eger áldebir baı áldebir kedeıge zorlyq qylsa, qyzyn zorlasa, ózin qorlasa ana kedeı mindetti túrde kek alady. Barady da úıin órtep ketedi, máshınesin jaryp jiberedi. Áıteýir esebin taýyp kek alady. Sondyqtan baı turmaq, basqa bolsa da jón-josyqsyz eshkimge soqtyqpaıdy. Bizdi ustap turǵan kekshildik",-dedi. Oılanyp qaldym. Oryspen janasqanda joǵaltqan bir minezimiz kekshildik emes pe? Buryn babalarymyz "qanǵa qan, janǵa jan" qaǵıdasyn ustanǵan. Kek alǵan. Tipti bolmasa, qun tóletken. "Keıinnen kekshil bolma, tekshil bol", "Aldyńa kelse ákeńniń qunyn kesh" sekildi sabyrǵa shaqyrǵysh maqaldar shyǵyp asaý qazaqty jýasytyp tastady. Jylqy minezdimiz dep júrgen halyq qoı minezdi momynǵa aınaldy. Keı kezderi qoǵamdaǵy ádiletsizdikti kórgende, esesin jiberip jatqan baýyrlarymdy kórgende álgi jigittiń sózi esime túse beredi.

Esbolat Aıdabosyn, Facebook paraqshasynan