Aqmola oblysynda júk kóligi batpaqqa batyp, júrgizýshi oqıǵa ornynda qaza tapty. Bul týraly oblystyq polısıa departamenti habarlady.

Polısıa málimetinshe, 16 sáýirde Shortandy aýdany Bektaý aýylynyń mańyndaǵy jolda erigen qar sýynyń tasýynan avtojoldyń bir bóligi shaıylyp ketken.

"Shaanxi-Man" kóliginiń júrgizýshisi qıyrshyq tas zaýytyna bara jatqanda batpaqqa batty. Búldozer men trostyń kómegimen júk kóligin tartyp shyǵarýǵa tyrysqanymen, kólik kabınasy sý astynda qaldy. Sodan keıin kóliktiń búkil jeri jasandy toǵanǵa batyp ketti. Saldarynan kólik júrgizýshisi oqıǵa ornynda qaza tapty. Denesi Nur-Sultan qalasynyń máıithanasyna jiberildi" delingen habarlamada.

Atalǵan fakt boıynsha qylmystyq kodekstiń 156-baby 3-bóligi (Eńbekti qorǵaý qaǵıdalaryn buzý) boıynsha sotqa deıingi tergeý bastaldy.