Qazaqstandyq boksshy Gennadıı Golovkın (41-1-1, 36 KO) jyl sońyna qaraı japonıalyq Rıota Mýratamen (16-2, 13 KO) jekpe-jek ótkizýdi josparlap otyr, dep habarlady sports.kz saıty.
Golovkın men Mýrata ókilderi Japonıada birlesken judyryqtasatyny týraly talqylaǵanyn aldymen Dazn tilshisi Krıs Mennıks habarlady. Onyń aıtýynsha, kezdesý jeltoqsanda, ıaǵnı jańa jyl qarsyńynda bolýy múmkin.
Sodan keıin Golovkınniń promoýterleriniń biri Eddı Hırn aqparatty rastady. Sondaı-aq Hırn bul jekpe-jektiń aldynda Golovkın orta salmaqtaǵy álem chempıony amerıkalyq Demetrıýs Andradege (30-0, 18 KO) qarsy kezdesý ótkizetinine senim bildirdi.
Pikir qaldyrý