Atyraý oblysy Qurmanǵazy aýdanynyń Kóptoǵaı aýylyndaǵy shekaralyq qorshaý buzyldy. Bul týraly Qurmanǵazy aýdanynyń ákimi Marat Murzıev málimdedi, dep habarlady Aq Jaıyq saıty.

Basylym málimetinshe, ákim keshe jergilikti turǵyndardyń narazylyǵyn týdyrǵan Qıǵash ózeniniń jaǵasynda ornatylǵan shekara belgileri alynǵanyn aıtqan.

– 13 jáne 16 sáýirde jergilikti turǵyndarmen túsindirý jumystary júrgizildi. Qazir ózenge mal sýarýǵa jáne egindi sýarýǵa qol jetkizý múmkindigi qarastyryldy. Bul úshin eshqandaı kedergi joq, – dedi Myrzıev.

Buǵan deıin Atyraý oblysynyń óńirlik komýnıkasıalar qyzmeti 14 sáýirde Qazaqstan men Reseı shekarasyn mańyndaǵy Qurmanǵazy aýdanynyń Kóptoǵaı aýylynda jańa shekaralyq qorshaý salý jumystary bastalǵanyn habarlanǵan. Aýyl turǵyndary "Qıǵash ózeniniń bir ıirimin sharýashylyqqa paıdalanyp otyrmyz" dep shekara qorshaýyna qarsylyq bildirgen. Áleýmettik jeli qoldanýshylary bul máselege úkimet, prezıdent jáne syrtqy ister mınıstrligi jaýap berýge tıis ekenin aıtqan bolatyn. Al Qurmanǵazy aýdanynyń ákimi Marat Murzıev oblys ákimdiginiń facebook-tegi paraqshasynda bul jumystar qazir emes, buryn bastalýy kerek ekenin, biraq ártúrli sebeptermen júrgizilmeı kelgenin jazǵan.