Elde 18 sáýirde koronavırýstan 30, pnevmonıadan 3 adam qaıtys bolǵan. Bul týraly densaýlyq saqtaý mınıstrligi habarlady.

Mınıstrlik dereginshe, elde taǵy 2530 adamnan koronavırýs, 11 adamnan pnevmonıa anyqtalǵan.

20 sáýirdegi málimet boıynsha, 38 634 adam koronavırýstan, 363 adam pnevmonıadan emdelip jatyr. Olardyń ishinde 13 836 pasıent stasıonarda, 25 161 naýqas ambýlatorıalyq deńgeıde em qabyldaýda.  

İndetke shaldyqqandardyń arasynda 663 adamnyń jaǵdaıy aýyr, 176 pasıenttiń jaǵdaıy óte aýyr, 96 naýqas ÓJJ apparatynda jatyr.

2020 jylǵy 13 naýryzdan 2021 jylǵy 19 sáýirge deıin el boıynsha resmı túrde koronavırýstyń 292 250 jaǵdaıy tirkelgen. Onyń ishinde 3436 adam qaıtys bolǵan. 2020 jylǵy 1 tamyzdan bastap júrgizile bastaǵan pnevmonıa statısıkasy boıynsha, 51 890 jaǵdaı tirkelip, 754 jaǵdaı ólimmen aıaqtalǵan.

2021 jylǵy 1 aqpanda bastalǵan vaksınasıa aıasynda búginde 733 980 adamǵa ekpe salynǵan.