Qazaqstan prezıdenti Nursultan Nazarbaev beısenbide Besinshi Astana ekonomıkalyq forýmyna qatysqan Nobel syılyǵynyń 11 laýreatyn "Qazaqstannyń damýyna úles qosqany úshin" arnaıy medalimen marapattady. Bul týraly prezıdenttiń baspasóz qyzmeti habarlady.
Qazaqstanǵa kelgen Nobel syılyǵynyń ıegerleri - Robert Mandell, Edvard Preskott, Djon Nesh, Erık Maskın, Robert Aýmann, Fın Kıdland, Krıstofer Pıssarıdes, Múrreı Gell-Mann, Ada Sonat, Ser Rıchard Djon Roberts jáne Kerrı Benks Mýllıs.
Nazarbaev laýreattarmen ótkizgen jıynda "Nobel syılyǵynyń 11 laýreatyn qabyldaý - Qazaqstan úshin úlken mártebe" ekenin aıtty.
Nobel syılyǵy ıegerleri sońǵy úsh-tórt kúnde ál-Farabı atyndaǵy Qazaq ulttyq ýnıversıtetinde, Gýmılev atyndaǵy Eýrazıa ulttyq ýnıversıtetinde, Qazaq-Brıtan tehnıkalyq ýnıversıtetinde stýdentterge túrli taqyryptar boıynsha dárister oqydy.
Derekkóz: azattyq.org
Pikir qaldyrý