Qostanaı oblysynda taǵy 400 kıiktiń óli denesi tabyldy dep habarlady aýyl sharýashylyǵy mınıstrliginiń baspasóz qyzmetine silteme jasaǵan "Interfaks-Qazaqstan" agenttigi. Mınıstrliktiń habaryna qaraǵanda, 24 mamyrda áýeden baqylaý jasaǵanda 19 mamyrda kıik qyrylǵan mańnyń ońtústik-batysyndaǵy aýmaqta shamamen 400-den astam kıiktiń ólip jatqany anyqtalǵan. Kıik qyrylǵan jerge oblystyq orman jáne ań sharýashylyǵy aýmaqtyq ınspeksıasynyń qyzmetkerleri bardy. Buǵan deıin osy oblystyń Jangeldın aýdany Sorsha aýylynan 20 shaqyrym jerde 543 bas kıiktiń qyrylyp qalǵanyn Azattyq radıosy habarlaǵan bolatyn. Mınıstrliktiń orman jáne ańshylyq sharýashylyǵy komıtetiniń tóraǵasy Erlan Nysanbaev Qostanaıda qyrylǵan kıikterdiń "ishteri keýip, aýzynan qandy kóbik aǵyp ólgenin" aıtqan edi. Komıtet tóraǵasy ólgen kıikterge laboratıalyq saraptama jasalyp, nátıjesi eki aptadan keıin daıyn bolatynyn habarlaǵan.

Derekkóz: "Azattyq"