«Senderge (İİD) sheteldik týrıserdiń Almatydaǵy júrip-turý qaýipsizdigin qamtamasyz etýge baǵyttalǵan keshendi sharalar ázirleý kerek, qyzmetkerler shtatynda shetel tilin biletinder bolýy kerek», - dedi ákim beısenbi kúni «Almatyda týrızmdi damytýdyń jaǵdaıy men keleshegi» máselesi boıynsha ótkizgen keńeste.

«Qazirgi zaman polıseıleri tek qana qaýipsizdikti ǵana qamtamasyz etip qoımaı, sheteldik qonaqtarǵa kómek jáne konsýltasıa berý úshin shetel tilderin de meńgerýi tıis, sebebi olar saýal týyndasa birinshi kezekte  polıseılerge júginedi. Biz búdjetimizde polıseılerimizdiń aǵylshynsha oqyp úırenýi úshin arnaıy qarajat qarastyramyz», - dedi A. Esimov. Bul rette qalalyq týrızm basqarmasynyń bastyǵy Baqytjan Jolamanov Almatyda ekskýrsıalyq avtobýs parkin ashýdy usyndy.

«İshki týrızmniń tejelip turýynyń bir sebebi, qalada týrızm men delegasıalarǵa ekskýrsıalyq qyzmet kórsetetin arnaıy mamandandyrylǵan mekemeniń joqtyǵynda. Almatyda týrıser úshin ekskýrsıa uıymdastyratyn jáne týrıserdi qarsy alyp, shyǵaryp salý qyzmetin kórsetetin komfortabeldi avtobýs ta joq ekenin atap ketýimiz kerek», - dedi ol.

Onyń atýynsha, týrısik fırmalar ekskýrsıalyq jumyspen aınalyspaıdy, sebebi olarǵa ekskýrsıa jetekshileri men avtobýstardy turaqty negizde ustap otyrý tıimsiz.

«Sheteldik týrıserdi qarsy alyp, shyǵaryp salýmen jáne ekýskýrsıamen aınalysatyn týrısik sýbektilerge laıyqty baǵamen ekskýrsıalyq avtobýstar bere alatyn  jańa avtobýs parkin ashý qajettigi týyndady», - deı kelip ol, ondaı parkti memlekettik-jeke menshik seriktestik negizinde ashýǵa bolatynyn naqtylap ketti.

B. Jolamanov sondaı-aq, Almaty halyqaralyq áýejaıynda týrıser úshin aqparattyq-anyqtama qyzmetin ashý qajettigin, týrıserge qyzmet kórsetý sapasyn arttyrýdy, shekaralyq rásimderden ótý jáne júkterin alý ýaqytyn qysqartý, sondaı-aq naqty tarıfterdi bekitý arqyly taksı jumysyn retke keltirý qajettigin atap ótti.

«Qyzmet kórsetý salasyndaǵy kadrlar tapshylyǵy bar. Qazir ekskýrsıashy-gıd bolyp júrgender kim bolsa, solar. Kóshelerde latynsha áriptermen jazylǵan siltemelerdiń joqtyǵynan týrıserdiń qalada jol baǵdarlaýy qıyn. Kórsetetin qyzmet baǵasy men sapasynyń saı kelmeýi, qalada ekonom klasstaǵy qonaq úıleriniń jetpeıtindigi bar. Týrısik nysandar aýmaǵynda avtobýstardyń turatyn jerleriniń joqtyǵy da bar», - dep ol Almatyda ishki týrızmdi damytýǵa tejeýish bolyp otyǵan problemalardy sanap shyqty. Osyǵan baılanysty A. Esimov İİD-ǵa qaladaǵy kórikti oryndardyń janynda ekskýrsıalyq avtobýstar turatyn oryndar daıyndaýdy jáne atalǵan avtobýstarǵa tıisti ruqsat qujattaryn daıyndaýdy tapsyrdy. Odan basqa qalalyq ishki saıasat bólimimen birge qalada sheteldik týrıser ońaı jol tabýylary úshin latynsha áriptermen jazylǵan siltemeler ornatýdy tapsyrdy.

Almaty halyqaralyq áýejaı basshylyǵyna «áýejaıda týrısik aqparattyq-anyqtama qyzmetin qalpyna keltirip, áýejaıdaǵy taksı qyzmetin İİD-men birlese retteýdi» tapsyrdy.

A. Esimov Qazaqstandaǵy barlyq 1500 týrısik fırmanyń 832-si Almatyda, ıaǵnı 55%jumys  isteıtinin atap kórsetti.

«Almaty elimizdiń ǵana emes, búkil ortalyq-azıa aýmaǵynyń týrızm ortalyǵyna aınalýynyń barlyq alǵysharttary bar. Bul úshin týrısik ınfraqurylymdy damytý qajet, meıramhanalarda, qonaq úılerinde, dúkenderdegi qyzmet sapasy laıyqty bolýy kerek. Týrızm salasyndaǵy bilim deńgeıin kóterý kerek, bilikti gıdterdi daıyndaý kerek. Qoǵam sanasynda týrızm – eldiń damyǵandyǵynyń aınasy ekendigi týraly kózqaras qalyptastyrýymyz kerek», - dep A. Esimov atap kórsetti.