Almaty oblysy Talǵar aýdanynyń turǵyny Qýanysh Muhamedjanov jaramsyz plasıkterden, isten shyqqan shańsorǵyshtan tamasha robottar jasaıdy. Ol áýelgide 15 jyl tis dárigeri bolyp jumys istegen. Qazir kásipker. Shyǵyn dámhanasy bar. Keıin bertin kele bala qıalyn júzege asyrǵan. Robot jasaýshy shebermen Qamshy portalynyń tilshisi suhbattasyp kórdi.
Almaty oblysy, Talǵar aýdanynyń turǵyny Qýanysh Muhamedjanov jaramsyz plasıkterden, isten shyqqan shańsorǵyshtan tamasha robottar jasaıdy. Bul – Bamblbı. Qýanysh Muhamedjanovtyń alǵashqy týyndysy. Transformer fılmnyń keıipkerin osydan 4 jyl buryn qurastyrǵan. Qazir sheberdiń 27 roboty bar. Talǵarlyq turǵyn áýelgide 15 jyl tis dárigeri bolyp jumys istegen. Qazir kásipker. Shaǵyn dámhanasy bar. Keıin bertin kele, bala qıalyn júzege asyrypty.
Qýanysh Muhamedjanov
Bala kezimnen robot týraly fılm, múltfılmderge qyzyǵatynmyn. Robottar maǵan qatty unaıtyn. Birinshi robotty 35 jasymda jasadym. Ol adamdarǵa qatty unady.
Sheberge bul ıdeıa shetelde qydyryp júrgende kelgen. Qazaqstanǵa oralǵan soń osyndaı robottardy izdep, biraq taba almaǵan. Sosyn ózi jasaı bastaǵan. Mundaǵy maqsaty – dámhanaǵa kelýshilerdiń qataryn arttyrý.
Jýrnalıs
Sálem Arsı, Arsı maǵan jaýap bere almady. Óıtkeni ol sóıleı almaıdy. Biraq aldaǵy ýaqytta Qýanysh Muhamedjanov sóıleıtin, qozǵalatyn robottardy jasaý oıynda bar. Bul onyń sońǵy týyndylary. Transformer keıipkerlerin jasaý úshin, shamamen bireýine 10/15 shańsorǵysh ketken. Eger sizdiń úıińizde jaramsyz shańsorǵysh, qajetsiz plasık zattar bolsa, ony robot jasaıtyn sheberge ótkizýge bolady. Ol sol zattardan, keremet týyndylar jasap shyǵarady.
Sheber robottardy isten shyqqan shańsorǵyshtan bólek, teledıdar, oıynshyq syndy plasıkterden jasaıdy. Bir týyndyny qurastyrýǵa 1 aı ketse, qajetti jabdyqty jınaýǵa 4-5 aı ýaqyt qajet deıdi. Sondyqtan ol dámhanasynda 1 shańsorǵysh ákelgen adamǵa 1 pıssa tegin beretin aksıa oılap tapqan. Qýanyshtyń aldaǵy jospary – zamanaýı mýzeı ashý.
Qýanysh Muhamedjanov
Bolashaqta park robotyn ashý oıymda bar. Balalar plasık zattardan da robottar jasaýǵa bolatynyn bilýi kerek. Óıtkeni plasık ekologıaǵa zıan. Ol shirimeıdi. Sol kerek emes zattardan osyndaı dúnıeler jasaýǵa bolatynyn bilse deımin.
Qazaqstanda plasıkten qurastyrylǵan robottardy Qýanysh Muhamedjanovtan ózge eshkim jasamaıdy. Sheber aldaǵy ýaqytta óz týyndylaryn jalǵa berýdi, satýdy josparlap júrgenin aıtty.
Pikir qaldyrý