Prezıdent Qasym-Jomart Toqaev oblys ákimine iri óndiristik kásiporyn basshylarymen birlesip, indettiń aldyn alýdy jáne onymen kúres sharalaryn ýaqtyly qabyldaýdy tapsyrdy. Bul týraly memleket basshysy Atyraý oblysynyń áleýmettik-ekonomıkalyq damý máseleleri jóninde keńeste málimdedi.

– İndettiń jańa tolqyny kelgennen beri jaǵdaıy aýyr jáne óte aýyr naýqastar kóbeıýde. Olardyń sany sońǵy bir aıda eki esege artty. Al emdeý mekemelerinde qajetti dári-dármek pen qural jabdyqtar áli de jetkiliksiz ekeni anyqtalyp otyr. Bul ahýal adam óliminiń kúrt ósýine ákep soqtyrýy múmkin. Bilikti mamandardyń tapshylyǵy da jaǵdaıdy ýshyqtyryp otyr. Oblysta 207 dáriger jetispeıdi. Sonyń ishinde aýyldyq jerlerge 52 dáriger qajet, – dedi Toqaev.

Prezıdent oblys basshylyǵyna emdeý mekemelerin dári-dármekpen jáne medısınalyq quralmen qamtamasyz etý, anestezıologıa jáne jan saqtaý bólimderin tolyq jabdyqtaý, dárigerler tapshylyǵy máselesin sheshý mindetin júktedi.