Senat tóraǵasy Máýlen Áshimbaev koronavırýstyń sımpıomsyz túrine shaldyǵyp, jumysty qashyqtan isteýge kóshti. Bul týral ol óziniń facebook-tegi paraqshasynda málim etti.
"Qurmetti dostar! Barynsha saqtanyp júrgenime qaramastan, sońǵy synama nátıjesinde koronavırýs indetin juqtyrǵanym anyqtalyp otyr. Biraq boıymda aýrýdyń eshqandaı belgileri joq. Áıtse de oqshaýlanyp, mamandardyń barlyq talaptaryn qatań saqtaýdamyn. Soǵan baılanysty jumysty da qashyqtan jalǵastyramyn. Ókinishke qaraı, pandemıanyń ekpini áli báseńdegen joq. Sondyqtan arqany keńge salyp, saqtyq sharalaryna beıjaı qaraýǵa bolmaıdy. Bul, eń aldymen, ózimiz jáne týǵan-týystarymyz úshin asa mańyzdy. Endeshe indettiń aldyn alýǵa basa mán bereıik. Aman bolyńyzdar" delingen Áshimbaev jazbasynda.
Pikir qaldyrý