Memleket basshysy ulttyq qoǵamdyq senim keńesiniń múshelerin qabyldady. Bul týraly Aqorda saıty habarlady.

Prezıdent Qasym-Jomart Toqaev ulttyq qoǵamdyq senim keńesiniń múshesi, saıasattanýshy Marat Shıbutov pen "Qazaq ádebıeti" gazetiniń bas redaktory, jazýshy Dáýren Qýatty qabyldap, olardyń qoǵamdaǵy ózekti máseleler tóńiregindegi oı-pikirin tyńdady.

Memleket basshysymen kezdesýde Marat Shıbutov elimizdiń aýmaqtyq damý máseleleri jónindegi kózqarasyn bólisti. Sonymen qatar aqparattyq-saraptamalyq ortalyqtardyń, qoǵamdyq keńesterdiń jumysyn jandandyrý týraly usynystaryn aıtty. Saıasattanýshy memleket pen qoǵamnyń ultaralyq tatýlyq pen qoǵamdyq kelisimdi nyǵaıtý baǵytynda birlesip atqaratyn jumystary týraly oıyn jetkizdi.

Dáýren Qýat Qazaqstandaǵy buqaralyq aqparat quraldarynyń ahýaly, onyń ishinde, "Qazaq ádebıeti" gazetiniń búgingi jaǵdaıy jaıynda aıtty. Sondaı-aq qazaq tilindegi ádebıetti jáne baspa isin qoldaý jónindegi oıyn bólisti. Onyń ishinde, balalar ádebıetin damytý týraly aıtyldy. Budan bólek kezdesýde otandyq jáne sheteldik tarıhshylar arasynda turaqty baılanysty qamtamasyz etý máselesi kóterildi.