Bir táýlikte elde 2682 adamnan koronavırýs tabylyp, 156 naýqastan pnevmonıa anyqtalǵan. 22 adam koronovırýstan, 4 adam pnevmonıadan qaıtys bolǵan. Bul týraly densaýlyq saqtaý mınıstrligi habarlady.

Elde koronavırýs juqtyrǵandardyń jalpy resmı sany 314 082 adamǵa jetse, 2020 jylǵy 1 tamyzdan bastap júrgizilip kele jatqan pnevmonıa statısıkasyna sáıkes, 52 025 adamnan pnevmonıa anyqtalǵan.

28 sáýirdegi aqparat boıynsha 42 486 adam koronovırýs pen pnevmonıadan emdelip jatyr. Olardyń ishinde 14 705 pasıent stasıonarda, 27 781 naýqas ambýlatorıalyq deńgeıde em qabyldaýda. İndetke shaldyqqandardyń arasynda 770 adamnyń jaǵdaıy aýyr, 193 pasıenttiń jaǵdaıy óte aýyr, 109 naýqas ÓJJ apparatynda jatyr.