Túrkıanyń TAV kompanıasy Almatynyń halyqaralyq áýejaıyn satyp alý jumysyn aıaqtady. Bul týraly kompanıanyń baspasóz qyzmeti habarlady.

"Mámile boıynsha esep aıyrysý aıaqtalǵannan keıin TAV áýejaı men otyn jetkizý jáne tamaqtaný qyzmetterin usynatyn kásiporyndardyń 85 paıyz aksıalarynyń benefısıar ıesi bolady. Aksıalardyń qalǵan 15 paıyzy Vpe Capital basqaratyn Kazakhstan Infrastructure Fund qoryna tıesili. Qordyń ınvestory – "Qazyna Kapıtal Menedjment" AQ" delingen habarlamada.

TAV kompanıasy Almaty áýejaıyn konsesıanyń ýaqytsha sharty negizinde emes, menshik ıesi quqyǵynda basqarady.

Buǵan deıin Túrkıalyq TAV Airports Holding holdıńi Almaty áýejaıy aksıasynyń júz paıyzyn 415 mıllıon dollarǵa satyp alǵany habarlanǵan.