Almaty oblysynda júk kóligi jeńil kólikpen soqtyǵysyp, saldarynan bir adam qaıtys boldy. Oqys oqıǵanyń vıdeosy áleýmettik jelide jarıalandy.

Jol apaty 4 mamyr kúni Almaty-Kókpek-Kóktal tasjolynyń 24-shi shaqyrymynda saǵat 11:45 shamasynda bolǵan. Toyota Camry jeńil kóliginiń 23 jastaǵy júrgizýshisi shyǵys baǵytta kele jatyp, kólikti basqara almaı, qarsy jolaqqa shyǵyp ketken. Nátıjesinde HOWO júk kóligimen soqtyǵysyp, Toyota kóliginiń 32 jastaǵy jolaýshysy alǵan jaraqattarynan oqıǵa ornynda qaıtys boldy. Al túrli dene jaraqatyn alǵan kólik júrgizýshisi Talǵar ortalyq aýdandyq aýrýhanasyna jetkizildi.

Atalǵan oqıǵa boıynsha qylmystyq kodekstiń 345-baby 3-bóligine sáıkes (Abaısyzda adam ólimine ákep soqtyratyn jol qozǵalysy erejelerin buzý) sotqa deıingi tergeý bastalyp, saraptama taǵaıyndaldy.