Epıdemıologıalyq jaǵdaıǵa baılanysty Jeńis kúnine oraı ótetin merekelik sharalar kelesi jylǵa aýystyryldy. Bul týraly prezıdenttiń baspasóz hatshysy Berik Ýálı facebook paraqshasynda habarlady.
– Qazirgi kúrdeli epıdemıologıalyq jaǵdaıǵa baılanysty Jeńis kúnine oraı ótetin dástúrli merekelik sharalardy kelesi jylǵa aýystyrý týraly sheshim qabyldandy. Prezıdent otandastarymyzǵa arnaıy quttyqtaýyn joldaıdy.
Qazaqstanda Uly Otan soǵysynyń ardagerleri men tyl eńbekkerleriniń esimi erekshe qurmetteledi. Memleket basshysynyń ókimimen Uly Jeńis kúni merekesine oraı soǵys ardagerlerine materıaldyq kómek kórsetildi, – dep jazdy Berik Ýálı.
Pikir qaldyrý