Nurbek Nurtaza esimdi bloger Almatyda kezdeısoq kezikken on shaqty adamnyń nesıesin jaýyp berdi. Bul týraly ol óziniń instagram paraqshasynda habarlap, oqıǵanyń tolyq vıdeosyn youtube kanalynda jarıalady.

Bloger óziniń áreketin ramazan aıynda azamattarǵa kómekteskisi kelgenimen túsindirdi. Onyń aıtýynsha, bul alǵashqy qaıyrymdylyq áreket emes. Buǵan deıin ol mundaı áreketin jurtqa jarıa etpeı jasap júrgenin aıtady.

Bloger on shaqty adamnyń nesıesin jabýǵa 1 mıllıon teńgeden astap qarajat jumsaǵan.

Vıdeoda bloger jastar nesıesin ózi jabýǵa múmkindigi baryn qaperge alyp, analar men egde jastaǵy adamdarǵa kómektestiki kelgenin jetkizgen.

Qazaqstanda ár bes adamnyń tórteýiniń basynda nesıe bar. Birinshi kredıttik búro dereginshe, 2020 jyldyń sońynda ekonomıkalyq belsendi halyqtyń (9,23 mln adam) 7,46 mıllıonynda kredıt bolǵan. Elde sońǵy úsh jylda bankterindegi nesıe kólemi 18 paıyzǵa artqan. 2021 jylǵy 1 sáýirdegi málimet boıynsha, qazaqstandyqtardyń bank aldyndaǵy bereshegi 14,8 trln teńgege jetken. Onyń ishinde 206,6 mlrd teńge somasyndaǵy nesıeler merzimi ótken kredıtter qatarynda. Ipotekalyq nesıelerdi sanamaǵanda, nesıelerdiń ortasha somasy 320-350 myń teńge tóńireginde.